"Oosterfüür"

En Kriminaalromaan vun Marlou Lessing. Mit Översetten vun de plattdüütschen Vokabeln direkt an’n Rand

„Wischenloh, dor geev dat för Trixie keen Verdoon, weer dat Schöönst, wat een finnen kunn in düsse Weltkant. Tominnst geev dat nix Schöners in ganz Middelholsteen.“Man in düt stille Dörp passeert radelhaftige, afgrünnige Saken. Wokeen hett Eggert Arfst doodfohrt? Woneem is de rieke Herr Kortum? Un wat will sien schöne Fru? — Allns düt mutt de junge Pastersch Trixie rutfinnen. To’n Glück is se nich alleen …
En poetische Landkrimi, de di langsam in sien Bann treckt to en furioses Finale. Ganz op Platt? Maakt nix — all Vokabeln staht an’n Rand! Wirklich all. Ok mit dat ringste Platt kann een allens verstahn, wenn he nich ganz seker in’t Lesen vun plattdüütsche Texten is.

Marlou Lessing, mit Freudenthalpries un Vertell-doch-mal-Pries uttekent, is bekannt as de Webmeestersch vun plattpartu.de, de grote plattdüütsche Themensiet, vun numanto.de un vertelln.de. In düssen Krimi wiest se ehr Vertellkunst un ehr warme Leevde to ehr middelholsteensche Heimat. Mit schöne Biller is dat dicke Book illustreert. Veel to lesen, veel to bekieken.

Illustrationen: Elke T. Weißleder, Kensise Anders
Ümslagbild: Kensise Anders, Ludgerd Lüske

Verlag Marless.de, Trappenkamp 2015
ISBN 978-3-9817194-1-3
472 Sieden, Pries: 20,- Euro.

Leesproov, mehr Infos un Bestellformular ünner: verlag.marless.de
Marlou Lessing is ok op de Plattdüütsche Bookmesse in Hamborg dorbi: 7.+8. November 2015 in’t Ohnsorg-Theoter.