"´N goden Mix schull dat ween…."

Das Zentrum für Niederdeutsch im Landesteil Holstein hat einen neuen Leiter. Im Interview erfahren Sie, liebe Leser, mehr über diesen Mann, der die Nachfolge von Volker Holm antritt.

Das Interview führte Brigitte Gerkens-Harmann
Kulturportal: Gibt es etwas, was Sie als neuer Chef des Niederdeutschzentrums zügig umsetzen wollen?
Thorsten Börnsen: Toeerst will ik mi maal ´n beten ümkieken, wat dat hier in’t Land an plattdüütsch Leven geven deit. Na dat, wat ik mitkrieg, is jo doch ordig wat togang an Krings, Klöönrunnen un Theatergruppen. De een oder anner will ik mi ok geern maal persöönlich ankieken.  Dor bün ik al nieschierig op. Un denn müch ik natürlich de Platt-Aktiven kennenlehren. Mit de Lüüd in’t Gespreek kamen, is dat A un O bi so’n Posten as mien. Een ganz nie’e Opgaav, de to mien Steed tohören deit, is de Schoolbegleitung. Siet 2014 hebbt 29 Grundscholen in Sleswig-Holsteen regelmäßig twee Stünnen Plattdüütschünnerricht in de Week. För 15 vun düsse Scholen maak ik de Schoolbegleitung. Wenn se Lehrmaterial oder Foortbillen bruken doot oder anners Kummer hebbt, bün ik jümehr Anspreekpartner. Dat is natürlich ´n heel wichtige Arbeit, denn düsse lütten Grundschölers sünd jo uns Tokunft.
Kulturportal: Die Platt-Szene in der Region ist rege. Sie kämpft aber mit „Nachwuchs-Sorgen“. Haben sie ein kreatives Konzept, um junge Menschen für Plattdüütsch zu gewinnen?
Thorsten Börnsen: Vör nu meist söss Johr heff ik in Neddersassen mit den plattdüütschen Bandwettstriet „Plattsounds“ anfungen. Mitmaken künnt dorbi jung Musiker twüschen 15 un 30 Johr. Un ´n Instiegerprogramm för Hoodüütsche gifft dat ok: Wokeen keen Plattdüütsch kann, kann sik sien/ehr Text vun uns översetten laten. Wi hölpt denn ok bi’t Öven un Insingen. Middewiel sünd dat üm un bi 80 Bands un enkelte Musiker worrn, de bi düssen „Platt-Grand-Prix“ dorbi west sünd. As wi anfungen hebbt, geev dat in düsse Öllersgrupp keeneen, de op Platt Musik maken dee. Lang nich all vun de Deelnehmers maakt nu ok plattdüütsch wieder. Vör vele weer dat maal ´n Experiment. Aver ´n Reeg is doch ok dorbi bleven. Sowat kunn ik mi ok för Sleswig-Holsteen sehr goot vörstellen. Överhaupt dücht mi, wi künnt uns nich beklagen, datt de jung Lüüd sik nich för Plattdüütsch intresseren doot, wenn wi jüm nix Vernünftiget för ehr Öller anbeden doot. Lütt Films vun jung Lüüd för jung Lüüd op Youtube un ´n gode Facebooksiet to’n Bispeel. Aver ik kann mi ok goot ´n „Platt-App“ för’t Handy vörstellen, wo ´n lütt Wöörbook (Hoochdüütsch-Plattdüütsch) mit binnensteken deit.
Kulturportal: In den Disziplinen Musik, Literatur und Theater ist das Plattdüütsche traditionell vertreten. Liegt Ihnen eine Sparte besonders am Herzen?
Thorsten Börnsen: Vunwegen den Bandwettstriet „Plattsounds“, den ik in Neddersassen mit opbuet heff, heff ik besünners veel mit jung plattdüütsch Musik to doon. Dat maakt mi bennig veel Spaaß. Ik heff mi vörnahmen, in düsse Hensicht ok hier in Sleswig-Holsteen wat op de Been to stellen. Aver ok nedderdüütsch Theater un Literatur intresseert mi. Wat dat Theater anlangt, finn ik dat wichtig, datt ok eernsthaftige Stücken optoföhrt warrt. Spannend finn ik besünners ok moderne Stücken un Theater för Kinner un jung Lüüd op Platt. Denn uns Spraak is ok vundaag noch so lebennig, datt se dat moderne Leven afbillen kann. In’t Ohnsorg-Theater is in düsse Hensicht siet ´n poor Johr ordig wat in Gang kamen („De Aant un de Doot“, „Indien“ un düt Fröhjohr„Soulkitchen“ op Platt). Ik wöör mi wünschen, datt dat vun dor noch mehr op de Amatöörtheaters in’t Land utstrahlen deit. För’t Theater, aver jüst so för de Literatur gellt: Plattdüütsch is – natürlich ok – man lang nich bloots wat to’n Högen. ´N goden Mix schull dat ween.
Kulturportal: Vor Ihnen liegt ein Zauberstab (frei nach Harry Potter). Welche Wünsche sollten im Bereich der Niederdeutscharbeit erfüllt werden?
Thorsten Börnsen: Ik wöör mi wünschen, datt de Plattdüütschen in all Rebeten mehr tosamenwarken deen. Datt wi mehr vun’nanner lehren doot un uns sodennig gegensiedig vöranbringt. Na mien Menen kunnen de Platt-Aktören noch veel mehr un enger tosamenwarken. Jümmers noch to veel vun uns Mitstrieders röhrt bloots in ehr egen lütt Supp vör sik hen. Bi de groot Opgaav, uns Spraak an de negste Generatschoon wiedertogeven, mööt wi den Tampen all tohoop in een Richten trecken. Dormit hangt ok de twete Wunsch tohoop: Ik wöör mi wünschen, datt de Plattdüütschen sülvstbewusster mit ehr Spraak ümgaht. Dat is in de letzten Johren al beter worrn, man Plattdüütsch is noch jümmers veel to wenig sicht- un höörbor in de Öffentlichkeit. De, de Nedderdüütsch snacken künnt, schullen dat ok doon un jümehr Spraak as dat ankieken, wat se is: wat heel Besünners un ´n weertvull Arfdeel, dat sik lohnt an de Jungen wiedertogeven.
Zur Person:
Thorsten Börnsen (Jahrgang 1969) übernahm von Volker Holm, der über 20 Jahre die Leitung des Niederdeutsch-Zentrums inne hatte, die Leitung. Der in Schleswig geborene Börnsen, studierte in Hamburg Geschichte und Niederdeutsch im Nebenfach. Nach seinem Abschluss arbeitete er in der Jugend- und Erwachsenenbildung, machte Führungen durch Hamburg (u. a. den plattdeutschen Stadtrundgang) und in der KZ-Gedenkstätte Neuengamme. Er schreibt für verschiedene Zeitungen und Zeitschriften in Niederdeutsch.