Osterfest: Betrachtungen op Platt

Das Osterfest aus Sicht eines Autors, der op Platt sich so Gedanken gemacht hat, lesen Sie hier.

Von Klaus May
Oostern!!!

Oostern is ’n bannig oles Fest, öller noch
as dat Christentum. Anners as
Wiehnachten fallt de Oostersünndag nich
up enen bestimmten Dag. Dat Datum
warrt alle Johr nie vun de Astronomen
utrekent.
Dat Oosterfest fallt jümmers up den
eersten Sünndag na den
Fröhjohrsvullmand. Dat is „Equinox“, Dag
un Nacht sünd gliek lang, jümmers
twüschen den 21. März un den 25. April.
De Naam Oostern is ok ut de Tiet vun de
olen Germanen övernommen worrn. De
Namensgeverin is de Göttin Ostara west,
se weer de Fröhlingsgöttin.
Fiert warrt dat Fest aver ok vun de Juden,
man nich an den Dag an den wi Oostern
fieert, aver ok in ‘n April. Dat Passahfest.
Dat schall an dat Friewarden ut de
ägyptische Gefangenschap denken
helpen. Doröver warrt in de Bibel in ´n
Exodus vertellt.
Vör bummelig 2000 Johr wurr dat
Passahfest in Jerusalem ganz groot fieert
un jedeen de dat irgendwie kunn
weer dorbi. So ok Jesus mit sien
Jüngers. Palästina, un somit ja ok
Jerusalem, weer ünner de Fuchtel
vun de Römers un de Kaiser harr
dat Seggen.
Jesus, de Mann up de dat
Christentum trüch geiht, harr ja ok
en groten Barg Anhängers, de up
em luerten, dat he se vun de
Macht vun de Römers friemoken
würr. Aver dat geev ok bannig
veel Lüüd, de gegen em weern, ok
ünner de Preisters, un so hebbt se
em, trotz dat dat grote Passahfest
in Gang weer, gau den Prozess
mookt. Man kann ja seggen kotten
Prozess mookt. Ünner dat Leit
vun Pontius Pilatus wurr he
afurdeelt un dat Urdeel kennt wi
ja all, he wurr an ´t Krüüz nagelt.
Dat weer de eerste Karfriedag.
Aver an ’n drüdden Dag, also an ’n
Sünndag , Oostersünndag, is he
wedder upstahn.