Mölln – De Stiften Herzogtum Lauenburg laadt in to en Törn op’t Water. Dorbi geiht dat över den Möllner See na de Donnerslüüs in Neu Lankau hen. Ünnerwegens gifft dat en Programm mit den Hamborger Muskanten Christoph Scheffler un sein Dochter Lara-Sophie. Los geiht dat an#n Sünnavend, den söövten September Klock twee an’n Namiddag. Affohrt von den Anlegger Firma Morgenroth, Wassertorbrücke/Ratzeburger Straße 1 in 23879 Mölln. Bidrag 30 Euro.
Lara-Sophie Scheffler leest Gedichten vun Klaus Groth un singt vun Christoph Scheffler komponierte Groth-Leder. De Dodesdag vun den bekannten Dichter jährt sik in dit Johr to`n 125. Mal. Sodennig fohrt wi dörch en harvstlich Landschop, vörbi an Bööm un Goorns, de in bunte Pracht staht, un lustert to schöne Melodien. Wi freut uns op en schöne Tosamenspeel vun Literatur, Musik un Natur. An Boord gifft dat Kaffe un Koken op egen Kosten.
Wi hebbt bi düsse Veranstalten en Grenz vunwegen de Lüüd, de mitkamen künnt. Dorwegen mutt een sik anmellen ünner Tel. 04542 / 870 00 oder info@stiftung-herzogtum.de.
Und eine Kurzfassung auf Hochdeutsch:
Schleusenfahrt mit Musik und Gedichten
Am Samstag, 7. September, startet um 14 Uhr eine Schleusenfahrt ab Anleger Firma Morgenroth, Wassertorbrücke, Ratzeburger Straße 1 in Mölln. Die Kosten betragen 30 Euro pro Person. Lara-Sophie Scheffler liest Gedichte von Klaus Groth und singt von Christoph Scheffler komponierte Groth-Lieder. Kaffee und Kuchen gibt es an Bord auf eigene Kosten. Aufgrund der begrenzten Plätze ist eine Anmeldung unter 04542-87000 oder per Mail an info@stiftung-herzogtum.de zwingend erforderlich.